На Општинскей смотри рецитаторох седмеро по руски

автор зам
1k Опатрене

КРУЩИЧ – На нєшкайшей 47. Општинскей смотри рецитаторох кулскей општини „Максим Єкнич” у Крущичу змагаю ше 34-еро рецитаторе у трох возростох, дзе и седмеро з Руского Керестура котри рецитую по руски.

З Руского Керестура у катеґориї младшого возросту наступя Минеа Югас и Микола Еделински, у штреднїм возросту Тимеа Будински, Желько Виславски и Матей Шепински, а у старшим Мирослав и Мария Малацково.

Нєшкайше змаганє рецитаторох у сали КУД „Крущич” (у Доме култури) у Крущичу почина на 18 годзин, а селектор Смотри – ґлумец Миодраґ Петрович з Нового Саду, з консултантами за руски и мадярски язик, вибере найлєпших котри кулску општину буду представяц на Зонскей смотри 21. и 22. марца у Бачу.

ПОВЯЗАНИ ТЕКСТИ