На пияток „Гуманитарни крачунски базар” за Панайотов Йована у Коцуре

автор ол. русковски
555 Опатрене

КОЦУР – На пияток, 25. децембра, на пияцу у Коцуре будзе орґанизовани „Гуманитарни крачунски базар” за зберанє помоци за хлапца Панайотов Йована.

Пастор коцурскей Євангелскей церкви Александар Суботин и його гуманитарни тим орґанизаторе тей акциї, з котру жадаю назберац цо вецей средства за Йована и його лїченє. Вон поволал заинтересованих же би направели колачи, капушнїки, бобальки, а можу и донирац бависка, облєчиво, обуй, крачунски прикраски и на тот способ уключиц ше до акциї.

Хто жада най ше явя пасторови Суботинови на Фейсбук налог https://www.facebook.com/aleksandar.subotin.3, лєбо Ани Ґрешак https://www.facebook.com/profile.php?id=100010114602822.

Пенєж мож донирац и на жиро-рахунок динарски: 160-6000000766301-46, лєбо девизни: EUR 160600000076619864 , а мож уплациц пенєж и прейґ СМС порученя: треба написац 869 и послац на число 3030 (цена порученя 200 динари). На Фейсбуку постої и ґрупа под назву „За Панайотов Йована”, у котрей прейґ гуманитарних лицитацийох тиж мож помогнуц Йованови, а гражданє добрей дзеки можу свой прилог охабиц и у шкатулох котри поставени у предавальньох у Коцуре, Вербаше и Србобрану.

ПОВЯЗАНИ ТЕКСТИ