КОЦУР – На пияток, 19. новембра, з початком на 20 годзин, будзе отримани перши концерт Мишаней младежскей шпивацкей ґрупи Културно-уметнїцкого дружтва „Жатва” зоз Коцура.
По словох коцурских младих, жадали публики одшпивац даскельо писнї зоз їх уж познатого репертоару, а шицки котри буду провадзиц концерт, буду мац нагоду чуц и госцох зоз других рускох местох.
Пре пандемийну ситуацию, концерт будзе отримани онлайн, прейґ Ют`юб каналу КУД „Жатва”.
Орґанизаторе поволали шицких же би препровадзели жимни єшеньски вечар у цеплим обисцу, зоз руску шпиванку наших младих.