БЕОҐРАД – Виберанкова цихосц пред наиходзацима позарядовима парламентарнима и локалнима виберанками, котри буду отримани 3. априла, почина на полноци и будзе тирвац по заверанє виберацких местох, по нєдзелю на 20 годзин.
За виберанки за народних посланїкох, як и за одборнїкох у 12 општинох и двох городох, приявели ше вкупно 19 лїстини котри формовали коалициї и здруженя гражданох.
На гласацким лїстку буду пошоровани по шоре придаваня, односно преглашованя лїстини Републичней виберанковей комисиї (РВК)꞉
- Александар Вучич – Вєдно можеме шицко
- Ивица Дачич – премиєр Сербиї
- Vajdasági magyar szövetség–Pásztor István – Союз войводянских Мадярох Иштван Пастор
- Др Воїслав Шешель – Сербска радикална странка
- Мариника Тепич – Зєдинєни за побиду Сербиї (Странка шлєбоди и правди, Народна странка, Демократска странка, ДЗВМ-ВМДК, Странка Македонцох Сербиї, Рух шлєбодних гражданох, Здружени синдикати Сербиї Злога, Рух за преобраценє, Рух шлєбодна Сербия, Влашка странка)
- Др Милош Йованович – Надїя за Сербию – Сербска коалиция Надїя- Национално демократска алтернатива – Демократска странка Сербиї (ДСС) – За кральовину Сербию (Монархисти) – Воїслав Михайлович
- Милица Дюрдєвич Стаменковски – Сербска странка Завитнїки
- Муфтиїн аманет – Странка правди и помиреня” (СПП) Усаме Зукорлич
- Мушиме – Акция – Еколоґийне повстанє – Чута – Нє давме Беоґрад – Небойша Зеленович
- Суверенисти” – Саша Радулович (Досц було), Милан Стаматович (Здрава Сербия), др Йована Стойкович (Жиєм за Сербию)
- Бошко Обрадович – Сербски рух Двери – ПОКС – Милош Парандилович – Патриотски блок за обнавянє Кральовини Сербиї
- Вєдно за Войводину – Войводянє (Демократски союз Горватох у Войводини, Вєдно за Войводину)
- СДА Санджака – др Сулейман Уґлянин
- Борис Тадич – Гайде людзе – Социялдемократска странка – Нова странка – 1 од 5 милионох – Толеранция Сербиї – Зєдинєни рух желєних Сербиї – Бошняцка гражданска странка – Странка Чарногорцох
- Алтернатива за пременки – Албанска демократска алтернатива” „Аlternativa për ndryshim – Аlternativa demokratike shqiptare
- Коалиция Албанцох Прешевскей долїни Кoalicioni i shqiptarëve të luginës
- Одняти беби – Ана Пеїч
- Ромска партия – Срдян Шайн
- Русийски меншински союз – Милена Павлович, Павле Бихали Ґаврин (Сербско русийски рух, Сербско русйска партия Вовки, Рух Грекох Србиза).
Програми кандидованих лїстинох мож пречитац на ТИМ ЛИНКУ.
Право гласа маю 6.501.689 особи, а гласац ше будзе на 8.255 гласацких местох. Гласацки места буду отворени од 7 рано по 20 годзин вечар, а звит о резултатох виберанкох РВК ма поднєсц найдалєй 96 годзини од завераня виберацких местох.