РУСКИ КЕРЕСТУР – На пондзелок, 9. мая, у нашей парохиї св. оца Миколая у Руским Керестуре будзе преславени Кирбай нашей катедралней церкви. Дзень керестурскей церкви пошвецени пренєшеню мощох св. Миколая з Мири у Малей Азиї до Барию у Италиї, пре превласц Туркох у тих крайох, а мощи пренєшени 9. мая 1087. року.
На нєдзелю пред Кирбайом на 19 годзин будзе Всеночне, а на сам Кирбай Ранша Служба Божа на 8, а Архиєрейска, хтору будзе служиц наш владика Герогий з домашнїма священїками, на 10 годзин. У церкви на Кирбай обчекую и приход священїкох з других наших парохийох, а парохиянє госцох.
По Служби будзе одпустови обход коло церкви з читаньом Євангелийох, а на керестурски Кирбай вше богата и вашарска часц у Русинскей улїци, спрам Косанчичу.