НОВИ САД – Здруженє женох „Байка”, вєдно зоз школярами Туристичного напряму и Ґимназиї Штреднєй школи „Петро Кузмяк” и Здруженьом продуковательох паприґи „Капсимум анум” з Руского Керестура вчера, 8. октобра, участвовало на 48. Медзинародним сайме туризму на Новосадским сайме.
У рамикох Дунайского туристичного кластеру „Истар 21”, його Програми „Богатство розличносцох”, Керестурци вчера указали свойо туристичне понукнуце з презентацию руских традицийних єдлох, як цо то капущанїки, череґи, медовнїки, алє и рижних продуктох з паприґи порихтаних за жиму. На Сайме ше представели и з ручнима виробками, як цо ткани гасури, домашнї миделка, торбички и други сувенири.
Керестурски штанд у руским народним облєчиве прикрашели и наставнїца у напряме Туристични технїчар Веселинка Бачич и школярки Ґимназиї „Петро Кузмяк” Кристина Афич и Александра Колошняї.
Медзинародни саям туризму тирва почал вчера, тирва по 11. октобер, як и Медзинародни саям конярства и серсану, та ЛОРИСТ – Медзинародни саям лову, риболову и спорту.
