ШИД – На соботу будзе отримани 12, по шоре Фестивал тамбурових оркестрох „Мелодиї Руского двору“.
Фестивал почнє на 19 годзин на лєтнєй бини у порти Лєтнєй владическей резиденциї, а оркестри будзе оценьовац жири хтори додзелї три награди, а и публика на своїх гласацких лїсткох будзе гласац за найлєпши оркестер по єй смаку.
Пред Фестивалом, на 17 годзин, буду отворени етно-штанди, як и вистава малюнкох Ратка Торми, маляра зоз Беркасова.
Орґанизатор Фестивала КПД „Дюра Киш“, а уходнїца кошта символични 100 динари.