На соботу „Дньовка”

автор ртп
1.1k Опатрене

РУСКИ КЕРЕСТУР – Мултимедиялна програма младих „Дньовка”, 19. по шоре, будзе на соботу на 21 годзин у Велькей сали Дому култури, у орґанизациї младих зоз Здруженя „Пакт Рутенорум”. З „Дньовку” будзе закончена тогорочна Културна манифестация „Костельникова єшень”.

„Дньовка” того року представи младих котри през рок були активни, цо будзе и ошвиженє у одношеню на прешлорочни програми, та ше з танцами, музику, поезию и прозу представя млади з Руского Керестура, Нового Саду, Дюрдьова и Зомбора.

Пре евентуални нєприкладни змисти, орґанизаторе нє препоручую же би на програму пришли дзеци младши од 13 роки, цо наглашели и на плакатох.  

На тогорочни конкурс за найлєпши авторски фотоґрафиї з тему „Бунт” у рамикох „Дньовки” сцигли лєм осем фотоґрафиї, хтори, вєдно з виставу „Приватни живот Руснацох”, автора Сашу Сабадоша, на соботу буду виложени у голу Дома култури.

ПОВЯЗАНИ ТЕКСТИ