На соботу „Днї бундави”

автор Ол. Живкович
546 Опатрене

КУЛА – Ище єдна манифестация, „Днї бундави 2019ˮ, пияти раз будзе отримана на соботу, 12. октобра, на площи опрез пошти у Кули. На Манифестациї будзе участвовац и Здруженє женох „Байкаˮ. Уход шлєбодни, а манифестация будзе тирвац од 10 по 17 годзин.

Орґанизаторе, Здруженє „Еко Кулаˮ и Туристична орґанизация општини Кула,  понукаю розвагу за цалу фамелию, та на тей манифетациї годно покоштовац сладки и слани специялитети зоз бундави, участвовац на дзецинским карневалу и креативних роботньох за дзеци, а будзе грац и музика.

На „Днї бундавиˮ ше будзе предавац и рижни єшеньски плоди, жимнїцу, будзе орґанизована и вистава и предаванє рижних сувенирох, як и змаганє за накрасше єдло зоз бундави. Попри тим, будзе орґанизована и деґустация купинового вина.

ПОВЯЗАНИ ТЕКСТИ