На соботу наукова конференция наших младих

автор сен
1.3k Опатрене

НОВИ САД – На соботу, 21. мая, на новосадским Филозофским факултету будзе Треца наукова конференция младих науковцох, студентох и фаховцох, на хторей 12-еро млади представя свойо роботи з обласци линґвистики, литератури и историї. Попри младих з наших местох, на Трецей науковей конференциї буду участвовац и двойо студенти з Япону и Словацкей.

Перша Конференция отримана 2012., друга 2014. року, а представени роботи на обидвох конференцийох обявени у окремних наукових зборнїкох.

Орґанизаторе Конференциї Оддзелєнє за русинистику Филозофского факултету, Завод за културу войвоянских Руснацох и Виглєдовацки круг, хтори ше намагаю дац простор за професийну фахову афирмацию младих и же би зоз своїма виглєдованями на наукови способ спатрали швет коло себе.

Треца наукова конференция младих науковцох, студентох и фаховцох будзе отримана  у кабинету 30 на першим поверху Филозофского факултету, а почнє на 9 годзин.

ПОВЯЗАНИ ТЕКСТИ