РУСКИ КЕРЕСТУР – На соботу, 12. септембра, у Руским Керестуре будзе отримана пията порядна схадзка Националного совиту (НС) Руснацох. Схадзка будзе у просторийох Совиту у Замку на 10 годзин.
На дньовим шоре 22 точки, медзи нїма и хтори ше одноша на финансийне дїлованє Совиту и Заводу за културу войводянских Руснацох, та одредзени кадрово питаня.
Совит би на соботу мал потвердзиц вецей одлуки свойого Вивершного одбору, попри других, на дньовим шоре схадзки и информациї о маєтних и правних питаньох вязаних за простори у Новим Садзе, потим прилапйованє вименкох Правилнїка о додзельованю стимулацийох и наградох у форми стипендийох, а буду розпатрани и заключеня з концом авґуста отриманей заєднїцкей схадзки одборох и представительох подручних канцеларийох НС.