РУСКИ КЕРЕСТУР – Стретнуце Приятельох Каритасу, хторе традицийно орґанизує рускокерестурски парохийни Каритас, будзе на соботу 12. новембра на 14 годзин у Велькей виронаучней сали керестурскей церкви. На Стретнуцу будзе означена и 10-рочнїца вибудови Каритасового дому у Керестуре.
З тей нагоди волонтере поволую шицких своїх приятельох, а приход наявели и архиепископ Хочевар з Беоґраду, наш владика Георгий, волонтере з Италиї и други госци.
На програми буду представени прешли 10 роки роботи, як и будованє Каритасового будинку, цо финансийно помогол италиянски Каритас з Удинох.
Пред Стретнуцом Приятельох, исти дзень на 11 годзин у керестуртским Каритасу будзе и стретнуце волонтерох Каритасу зоз шицких парохийох нашого Апостолского еґзархату.