РУСКИ КЕРЕСТУР – У Руским Керестуре на соботу, 20. децембра, будзе отримана треца порядна схадзка нового зволаня Националного совиту (НС) Руснацох, на хторей би мали буц меновани подпредсидателє НС, предсидатель и члени Вивершного одбору, предсидателє и члени одборох НС, члени роботних целох и пододборох и секретар НС.
На дньовим шоре и вименка Финансийного плану Совиту за тот рок, Правилнїк о надополнєньох членом НС, його одборох и пододборох, як и даванє думаня о кандидатох за директора ОШ „Светотар Милетич” у Вербаше.
Треца схадзка НС Руснацох на соботу будзе у просторийох керестурского Дому културу на 11 годзин.