РУСКИ КЕРЕСТУР – Промоция кнїжки „Гласи и часи – 70 роки Рускей редакциї Радио Нового Саду“ на соботу, 29. юния, будзе отримана у зборнїци Основней школи „Петро Кузмяк” у Руским Керестуре зоз початком на 19 годзин.
О кнїжки буду бешедовац авторе Мария Тот и Дюра Латяк, редакторка виданя Ирина Гарди Ковачевич и сотруднїца на проєкту Єлена Перкович. У случаю подлей хвилї промоцию ше отрима у голу Дома култури.
Промоция тей кнїжки уж отримана у Новим Садзе, а после Руского Керестура, плановани и промоциї у Дюрдьове и Шидзе.
З тей нагоди шицким нащивительом будзе подаровани по єден прикладнїк тей значней кнїжки котру видала НАР-ох, а друкованє кнїжки оможлївели Завод за културу войводянских Руснацох, ЯМУ РТ Войводина и Национални совит рускей националней меншини.