КОЦУР – Младеж з КУД „Жатва” на соботу, 2. юлия, у Коцуре орґанизує „Кино на отвореним”, з мотом „Париз за углом”. Проєкциї филмох буду на платну поставеним у школским дворе (през уход од улїци Иву Лоли Рибара). Проєкт будзе витворени з потримовку Роботного цела за младеж Националного совиту Руснацох.
На соботу годно патриц три филми чия ше дїя одвива у Паризу – на 20,30 г. будзе филм „Нєдорушуюци”, на 22 „Пол ноци у Паризу”, а на пол ноци будзе пущени филм „Чудесна судьба Амелиї Пулен”.
Уход на проєкциї за шицки филми задармо, а нащивителє най зоз собу вежню покровци, заглавчки, лєбо дацо друге за шедзенє.