НОВИ САД – На соботу, 29. октобра, у Руским културним центре (РКЦ) у Новим Садзе будзе традицийни Бал под масками, а пред тим роботня на хторей ше будзе вирезовац бундави. Роботня у РКЦ почнє на 16, а Бал под масками на 22 годзин.
За участвованє на роботнї треба ше приявиц на телефон 064/37-13-459, найпознєйше по пияток 28.октобра до 23 годзин.
На маскенбалу за добру атмосферу буду задлужени два бенди – новосадски „ЦПР” и беоґрадски „Бесне ґлисте”, а нащива безплатна и отворена за шицких заинтересованих.
Роботню и Бал под масками уж традицийно орґанизую Форум младих Рускей матки и Руски културни центер.