НОВИ САД – На стреду, 15. юния, у Новим Садзе будзе отримани округли стол з назву „Костельник и ми нєшка”, хтори Завод за културу войводянских Руснацох орґанизує з нагоди 130-рочнїци народзеня др Гавриїла Костельника.
Як ше гвари у информациї о орґанизовню округлого столу, з нагоди 130-рочнїци народзеня основоположнїка язика и култури войводянских Руснацох др Гавриїла Костельника требало би вихасновац нагоду за бешеду о уплїву хтори, 68 роки по його шмерци, Костельниково дїло ма на сучасну руску литературу, културу, историоґрафию, наставу руского язика и литератури и на други аспекти живота рускей заєднїци на початку 21. вику.
Округли стол „Костельник и ми нєшка” 15. юния будзе у просторийох Заводу за културу войводянских Руснацох у Новим Садзе (Футожска 2/3) на 12 годзин.