РУСКИ КЕРЕСТУР – На ютре у Школи „Петро Кузмяк” у Руским Керестуре будзе турнир у одбойки, як обєдоинєни двох одбойкашских турнирох – Медзинародного „Здраво млади Европи” и турниру у одбойки Спортских бавискох „Яша Баков”.
Участвую екипи з Ужгороду у України, зоз Свиднїку у Словацкей, екипа Руснацох з Горватскей, Дружтва Руснацох зоз Суботици, „Пап-инґ” з Вербасу, КПД „ДОК” з Коцура, єдна екипа з Нового Саду и два домашнї – Одбойкашски клуб „Русин” и екипа интернату Школи.
Сход учашнїкох и отверанє плановани на 9,30 годзин, а потим шлїдза змаганя.
Попри турниру у одбойки, делеґацийом зоз Словацкей и України домашнї оможлївя и нащиву даскелїм керестурским привреднїком, а будзе бешеди и о госцованю наших спортискох на фестивалє у Свиднїку.
Ютредзень, на нєдзелю, за госцох у Коцуре будзе орґанизовани турнир у малим фодбалє.