ЧЕСКА – На явним Ческим радию „Плус” у Ческей Републики того мешаца почнє емитованє емисийох и на русинским язику, у рамикох нового проєкту емисийох на язикох националних меншинох, пише портал лем.фм.
Емисиї на своїм язику у Ческей дотераз мали Словаци, Поляци, Роми и Нємци, а од тераз Чески радио будзе емитовац и емисиї по русински, болгарски, русийски, українски, виєтнамски, билоруски, мадярски, гречески, сербски и по горватски.
Програма на язикох меншинох на явним Ческим радию „Плус” будзе кажду соботу пополадню, а редакторка програми за меншини Таяна Ґашпарович Манчалова.