СЕРБИЯ – На ютре, 15. фебруара Дзень державносци Сербиї – державне швето хторе ше означує два днї, а понеже швето пада на нєдзелю, нєроботни днї буду пондзелок и вовторок, 16. и 17. фебруара.
Дзень державносци Сербиї представя здогадованє на дзень кед на зборе у Орашцу 1804. року, на Стритениє, одлучене о дзвиганю Першого сербского повстаня, як и на дзень кед у Краґуєвцу 1835. року видати и потвердзени перши Устав Сербиї, волани и „Сретеньски устав”.
Як и на шицки державни швета, на пондзелок и вовторок нє буду робиц державни орґани, институциї и установи, привредни дружтва и други орґанизациї за дїялносци и услуги.