СРИМСКА МИТРОВИЦА – На ютре, 31.октобра, у сали Центру за културу „Сирмиум арт” у Сримскей Митровици члени рускей заєднїци свойому городу подарую музично-литературни вечар. Домашня вечару будзе музични педаґоґ, ма Даниєла Горняк, занята у Музичней школи „Петар Краньчевич” у Митровици. Програма почина на 18 годзин.
Попри Горняковей, у музичней часци програми участвую и Милда Желем Кузминац, Николина Думанчич, Исидора Козлина и Шпивацка група Руснацох.
У литературней часци буд представени писнї Олґи Олеяр-Раїч, а писнї и других авторох буду рецитовац Звонко Беднар, Катарина Бережни и Милена Костич.
Орґанизаторе поволую шицких заинтересованих же би зоз свою нащиву ютрейшей програми потримали роботу и активносци Руснацох у Сримскей Митровици.