На ютре промоция виданьох „Руского” на Салонє кнїжкох

автор вев
1.7k Опатрене

НОВИ САД – На Новосадским сайме, вчера, 12. априла, отворени Салон кнїжкох и вистава уметносцох „Арт експо”, а НВУ„Руске слово” свойо нови виданя на Салонє  представи на ютре, 14. априла, на 11 годзин у Гали „Мастер”.

Салон кнїжкох и виставу уметносцох „Арт експо” отворел писатель Милован Витезович, а тирваю по 18. април.

Кнїжки националних заєднїцох, медзи нїма и по руски, виложени на штанду Покраїнского секретарияту за образованє, предписаня, управу и национални меншини-национални заєднїци, а на тим штанду „Руске слово” отрима и промоцию своєй новей продукциї.

На Салонє кнїжки мож купиц и за половку туньше, а у рамикох манифестациї „Днї Лази Костича” каждодньово ше орґанизує стретнуца публики и писательох.

Уход задармо, а Салон и „Арт експо” за нащивительох отворени од 10 до 19 годзин.

3-Salon-02

ПОВЯЗАНИ ТЕКСТИ