ШИД – Рочна Скупштина Културно-просвитного дружтва „Дюра Киш” у Руским доме у Шидзе будзе отримана на ютре, 31. януара, на 18 годзин.
На Скупштини буду поднєшени звит о роботи Дружтва у прешлим року, финансийни звит и звит Надпатраюцого одбору.
На дньовим шоре и вибор предсидателя Скупштини, подпредсидателя Дружтва, предсидателя Уметнїцкого совиту, пейцох членох Управного одбору, як и предсидателя и двох членох Надпатраюцого одбору.