На ютре Совит за национални меншини Влади Сербиї

автор зам
909 Опатрене

БЕОҐРАД – У Беоґрадзе на ютре, 16. децембра, будзе схадзка Совиту за национални меншини Влади Републики Сербиї, на хторей буду винєшени информациї о дотерашнїх запровадзених и планованих активносцох вязаних за меншини, о запровадзованю Акцийного плану за витворйованє правох националних меншинох, будзе розпатрани Нарис закона о защити правох и шлєбодох националних меншинох, як и предлог финансованя з Буджетного фонду за национални меншини у Сербиї.

Як наявене, попри чолнїкох, лєбо представительох националних совитох националних меншинох, на схадзки буду присуствовац и його члени з Влади – предсидателька Совиту за национални меншини министерка державней управи и локалней самоуправи Ана Брнабич, перши подпредсидатель Влади Сербиї и министер вонкашнїх дїлох Ивица Дачич, министер просвити, науки и технолоґийного розвою Милчан Шарчевич, министер култури и информованя Владан Вукосавлєвич и министерка правди Нела Кубурович.

О запровадзованю Акцийного плану за национални меншини будзе бешедовац и директорка Канцелариї за людски и меншински права Сузана Паунович, а о Нарису закона о защити правох и шлєбодох националних меншинох державни секретар Министерства державней управи и локалней самоуправи, предсидатель Роботней ґрупи за Нарис закона Иван Бошняк.

У мено Националного совиту Руснацох на ютрейшей схадзки будзе присуствовац його предсидатель Славко Рац, а як пририхтованє за схадзку републичного Совиту, вчера у Беоґрадзе зашедала Координация националниох совитох, пре заберанє заєднїцкого становиска на Совиту за национални меншини Влади Републики Сербиї.

ПОВЯЗАНИ ТЕКСТИ