БЕОҐРАД – Предсидатель Влади Републики Сербиї Александар Вучич за ютре, 7. юлия, заказал другу схадзку Совиту за национални меншини, хторому є на чолє. На дньовим шоре ютрейшей схадзки и звит о витворених активносцох медзи двома схадзками Совиту, хтори конституовани 29. априла того року.
Найвисшому целу за национални меншини у держави и Координация националних совитох доручела свойо заключеня о актуалних потребох меншинох у штирох обласцох над хторима совити маю компетенцию, зоз схадзки Координациї хтора отримана у Ковачици 9. и 10. мая.
Ютрейша схадзка Совиту за национални меншини будзе у будинку Влади Републики Сербиї, Неманьова 11, у сали 141 на штвартим поверху, на 11 годзин. Спред Националного совиту Руснацох на схадзки будзе присуствовац предсидатель Вивершного одбору Совиту Желько Ковач.