РУСКИ КЕРЕСТУР – У просторийох Националного совиту (НС) Руснацох у Руским Керестуре (у Замку), на ютре, 27. фебруара, будзе отримана друга порядна схадзка Одбору за образованє НС.
Члени Одбору за образованє буду бешедовац о семинарe за просвитних роботнїкох, орґанизованю стретнуца предшколских дзецох, о руским оддзелєню першей класи ОШ у Коцуре, купованю учебнїкох за предшколски дзеци у Новим Садзе, о орґанизованим приходу школярох з наших местох на провадзенє представох за дзеци на тогорочним Драмским мемориялє, як и о орґанизованю Лєтнєй школи за руских школярох.
Ютрейша схадзка Одбору за образованє НС будзе на 16 годзин.