РУСКИ КЕРЕСТУР – Столнотенисере СТК „Русинˮ зоз Руского Керестура, у шестим колє Южнобачкей лиґи, 16. новембра бавели дома зоз екипу СТК „Нови Садˮ и победзели з резултатом 4:3.
Русин наступел у составе Сабадош Матей, Сабадош Михайло и Горняк Стефан, резерва бул Шанта Александар. Одлучуюци поен принєсла побида искусного Сабадош Михайла.
Тота побида Русин подзвигла за єдно место на таблїчки, та є тераз на другим месце зоз єдним змаганьом менєй.
Першенство у лиґи ше предлужує 7. децембра, а у медзичаше Русиново столнотенисере буду бавиц 23. новембра на турнире А класи за кадетох у Бечею, а 30. новембра младши кадети на екипним першенстве Войводини.
