КРИЖЕВСКА ЕПАРХИЯ – З одлуку Святого Пристола монс. Никола Кекич розришени служби ординария, а меновани нови администратор Крижевскей епархиї –о. Милан Стипич.
Протоєрей ставрофор о. Милан Стипич народзени 28. децембра 1978. року у Босанским Новим. Року 1997. вошол до Грекокатолїцкей семинариї Крижевскей епархиї и студирал на католїцким богословским факултету у Заґребу. Як сообщене на сайту Жумберацкого викарияту, року 2007. достал наслов протоєрея, и почал ше старац о грекокатолїкох у Далмациї. Од 2012. року є парох у Ястребарском, у Горватскей. Окрем горватского, бешедує русийски и українски язик.