Нови будинок РТВ Войводини за три роки?

автор ртв/зам; фото: ртв
978 Опатрене

НОВИ САД – Як єден з приоритетох у роботи, предсидатель Покраїнскей влади Иґор Мирович у своїм експозеу наявел вибудов нового будинку Радио-телевизиї Войводини (РТВ), а даєдни з предусловийох за тото уж и витворени и оценєте же би то могло буц закончене за три роки – пише портал РТВ.

За нови будинок РТВ уж єст идейне ришенє (на фотоґрафиї першонаградзена робота), виробена проєктно-технїчна документация, достати локацийни дозволи, а виробени и детальни урбанистични проєкт, у складзе з детальним урбанистичним планом.

Нови будинок телевизиї и радия би бул на месце старого, на Мишелуку, зруйнованого у НАТО-бомбардованю.

Праве на вчерайши дзень 1973. року поставени фундаментни камень за тедишнї дом ТВ Нови Сад, а од 1999. року Телевизия змесцена у будинку НИС-у и за кирию мешачно плаци коло 15 000 еври.

ПОВЯЗАНИ ТЕКСТИ