НОВИ САД – Вчера вишло перше тогорочне число младежского часопису МАК, од тераз з новим випатрунком – МАК вецейфарбови и друковани на иншаким паперу.
Тема януарско-фебруарского числа „Белава птица”, понеже додатки хтори з нїм вишли (мендюши, маґнети, беджи, привязки за ключи), направели хаснователє Здруженя за ментално нєдосц розвити особи „Белава птица” з Кули.
Попри о тим Здруженю, у новим чишлє мож пречитац и о инклузивним образованю, о толеранциї, як и других рижнородних темох. Од того числа МАК ма и нови рубрики – „Збуло ше”, „Так и нїяк иншак” и о сучасней технолоґиї.