ДЮРДЬОВ – Дочек нового 2021. року у Дюрдьове бул преславени иншак як то узвичаєне.
Пре пандемию коронавирусу и почитованє предписаних мирох, 31. децембра Дюрдьовчанє ше зишли по обисцох зоз своїма найблїшима, фамелию и приятелями. Младеж тот вечар углавним преславела зоз своїм дружтвом тиж по обисцох, понеже у кафичох и клубох нє було орґанизовани ноцни преслави.
На полноци зоз шицких улїцох валалу могло видзиц огньомет, а красне число валалчанох зоз своїма дзецми Нови рок дочекали у центре валала коло нового ошвиценого ядловца.