НОВИ САД – Новосадянє котри жию у центру Нового Саду од новембра буду ґруповац одпад на комунални и амбалажни, пише РТВ.
Сепарация одпаду на тот хтори мож и хтори нє мож рецикловац допринєше защити животного штредку, а пилот-проєкт за початок уключи ґаздовства зоз ширшого центру городу, чийо гранїци Житна площа, Кей и улїца Максима Горкого. Як наявел директор ЯКП „Чистота” Владимир Зеленович, з пилот-проєктом буду облапени коло 15 000 обисца. Пре едукованє дзецох о защити животного штредку, до проєкту буду уключени и школи хтори ше находза у ширшим центре Нового Саду.
Зоз сепарацию одпаду, поведзме картон, пластика и подобне, нє буду под неґативним дїйством влаги з єдзеня, а на тот способ ше зачува лєпши квалитет секундарних сировинох хтори познєйше годно похасновац за рециклованє, гварел Чедомир Ибич з Факултету технїчних наукох.
Як гваря у ЯКП „Чистота”, по 2017. рок ше пробує облапиц ширшу часц Нового Саду и населєня. Кед проєкт у центре зажиє, Комунална полиция будзе осторожнєйше надпатрац одкладанє шмеца, а нєсовисних обчекую и кари.