РУСКИ КЕРЕСТУР – У рамикох духовного пририхтованя за Пасху, керестурски вирни нєшка, на Лазарову соботу, годни приступиц и до св. тайнох споведзи и причасци.
Нєшка ше годно висповедац у штирох Службох Божих – 8, 10, 16 и 18 годзин. Тром домашнїм помогнуц споведац приду и священїки з других наших парохийох.
Парох о. Малацко наглашел же за старших то и остатня нагода висповедац ше пред тим вельким шветом, а на споведз поволани и млади и школяре, котри ше висповедац годни и на ютре, на Квитну нєдзелю, пред дзецинску Службу Бужу, од 11 годзин.
На ютре у керестурскей парохиї будзе Квитна нєдзеля, з хтору ше припомина євангелска подїя Исусового славного уходу до Єрусалиму, пред тим як бул влапени и розопряти.
На Утринї буду пошвецени багнїтки, хтори вирни зоз шицких службох годни однєсц до своїх домох.