НОВИ САД – У просторийох Заводу за културу войводянских Руснацох у Новим Садзе нєшка на 15 годзин будзе порядна схадзка Вивершного одбору Националного совиту Руснацох (ВО НС).
Медзи иншим, на дньовим шоре и розпатранє и приношенє предкладаньох, суґестийох и идейох за ришованє проблемох нашей меншини у обласци образованя, култури, информованя и службеного хаснованя язика и писма, а хтори вец буду розпатрани и на Координациї националних совитох националних меншинох у Сербиї.
Попри членох ВО, на схадзки буду присуствовац и предсидателє одборох НС за спомнути штири обласци.