КУЛА – У Ґалериї Културного центру Кула нєшка, 15. юлия, будзе отримана Смотра подобових творительох општини Кула, шеснаста по шоре, а у орґанизациї Културно-просвитней заєднїци Општини Кула.
На Смотри буду виложени подобово роботи 11 уметнїкох-аматерох з Кули, Сивцу и Червинки, а медзи нїма и роботи Амалиї Ковач з Кули.
Нєшкайша вистава подобових роботох хтори участвую на Смотри будзе отворена на 19 годзин и єден длугши час будзе поставена у Ґалериї.
После отримованя општинских смотрох у шицких штирох општинох Заходнобачкого округу, селекторка смотрох, академска малярка Татяна Димитриєвич зоз Зомбора, одредзи котри уметнїки, односно їх подобово роботи буду участвовац на Зонскей смотри, хтора на єшень будзе у Кули.