РУСКИ КЕРЕСТУР – На рускокерестурским базену на ютре будзе отримана лєтня журка „PactON 2” („Пакт он”) у орґанизациї младих зоз Здруженя „Пакт Рутенорум”.
Наступи почню на 22 годзин, дзе ше з обробками сучасней музики перше представи бенд „Лазамер” з Оджаку, а после нїх на бину видзе керестурски бенд „Crazy cousins” („Крейзи казанс”). На концу наступи „Drop Sensei”, котри окреме популарни при младих, а порядни су учашнїки на збуваньох за младих хтори орґанизує „Пакт Рутенорум”.
Гоч урядова музична програма будзе на ютре, орґанизаторе наявели же розвага и друженє младих на базену почнє уж нєшка коло 22 годзин, з проєкцию филму.
Обидва днї уход на програми на базену безплатни.