РУСКИ КЕРЕСТУР – На рускокерестурским базену нєшка, 23. юлия, будзе лєтня журка „PactON 2” („Пакт он”) у орґанизациї младих зоз Здруженя „Пакт Рутенорум”.
Наступи почню на 22 годзин, дзе ше з обробками сучасней музики перше представи бенд „Лазамер” з Оджаку, а после нїх на бину видзе керестурски бенд „Crazy cousins” („Крейзи казанс”). На концу наступи „Drop Sensei”, котри окреме популарни при младих, а порядни су учашнїки на збуваньох за младих хтори орґанизує „Пакт Рутенорум”.
У рамикох „PactON 2” розвага и друженє младих на базену почало ище вчера, дзе вечар на векшим бим-платну приказани британски филм „Hot Fuzz”. На лєтнє кино пришли велї керестурци рижних ґенерацийох, цо знак же у Керестуре потребни таки змсти.
Уход на програму на базену безплатни.