РУСКИ КЕРЕСТУР – Нєшка у Руским Керестуре будзе заєднїцка схадзка Орбору за културу Националного совиту Руснацох (НС) и Управного одбору (УО) Заводу за културу войводянских Руснацох (ВР).
Схадзка будзе на 18 годзин у Доме култури, а на дньовим шоре спатранє стану и потребней потримовки хором и хорскому шпиваню, помоц и злєпшанє стану танєчних ансамблох, реализация Лєтнєй школи руского язика на Подкарпатю, будованє Етно-хижи у Бикичу, та преберанє крочайох за витворйованє Националней стратеґиї Руснацох у обласци култури.
Пред тим, УО Заводу за културу ВР на истим месце, на 17 г., на своєй окремней схадзки будзе бешедовац о Звиту о роботи и Финансийним звиту Заводу за прешли рок.