РУСКИ КЕРЕСТУР – Як у шицких основних школох у Сербиї, и у Основней школи „Петро Кузмяк” нєшка и на ютре будзе отримани пробни закончуюци испит за малих матурантох – школярох осмих класох.
Нєшка од 12 до 14 годзин 55 осмаки керестурскей Школи буду писац тест з математики, а на ютре буду писац два тести – од 9 до 11 годзин тест з мацеринского, одн. руского язика, а од 11,30 до 13,30 г. комбиновани тест, хтори ма питаня з ґеоґрафиї, историї, биолоґиї, хемиї и физики.