БЕОҐРАД – Министерство за державну управу и локалну самоуправу Влади Републики Сербиї нєшка орґанизує округли стол з тему „Национални совити/меншински самоуправи у правней системи РС”. Округли стол, хтори ше отримує у сотруднїцтве з Мисию ОЕБС-у Сербиї, будзе на 11 г. у Клубу посланїкох.
Сход орґанизовани пре унапредзенє нормативних рамикох з хторима ше утвердзує права националних меншинох, а часц є активносци предвидзенєй з Акцийним планом за Поглавє 23 (хторе ше одноши на людски права) у прегваркох з ЕУ.
Тиж будзе представена и Анализа нормативного рамику з хторим ше ушорює права националних меншинох у Сербиї, з наглашеньом на финансованє националних совитох националних меншинох.
Попри подредсидательки Влади РС и министерки за державну управу и локалну самоуправу Кори Удовички и шефа Мисиї ОЕБС-у у Сербиї Петера Буркгарда, на сходзе буду присуствовац представителє Скупштини Сербиї, державних орґанох, националних совитох меншинох, амбасадох, нєзависних целох и цивилного дружтва.
Спред Националного совиту Руснацох на нєшкайшим округлим столє у Беоґрадзе будзе присуствовац заменїк предсидателя Совиту Йовґен Мудри.