НОВИ САД – VII Медзинародна наукова конференция под назву „Лемки, Бойки, Гуцули, Русини – история, сучасносц, материялна и духовна култура” будзе отримана нєшка и наютре на Филозофским факултету у Новим Садзе.
Тот Карпатски симпозиюм представя медзинародни сход визначних професорох и науковцох зоз даскелїх европских универзитетох орґанизовани з нагоди 100-рочнїци снованя Руского народного просвитного дружтва и 65-рочнїци снованя Филозофского факултету Универзитета у Новим Садзе. Свойо науково роботи пречитаю и нашо науковци и професоре.
Першого дня будзе отримане пленарне зашеданє, а викладаня подзелєни на два днї и шейсц сесиї.
Медзинародна наукова конференция будзе шветочно отворена нєшка на 10 годзин, у прижемю Филозофского факултету, у Кино сали „Зоран Константинович”.