РУСКИ КЕРЕСТУР – Вирни рускокерестурскей парохиї св. оца Миколая, хтора ше ровна по григориянским календаре, нєшка означую Вилїю – дзень и ноц пред найрадоснєйшим шветом Рождества Христового – Крачуном.
У Катедралней церкви нєшка на 8 годзин будзе Василийова Служба Божа, на 17 годзин у домох почина шветочна Вилїйова вечера, а домашнї од пополадня та надалєй дочекую шпивачох и винчовачох. Як наявене, и того року до Керестура по шпиваню придзе и ґрупа школярох з Бикичу и Беркасова.
Крачунскей всеночне нєшка будзе на 23 годзин, а на ютре, на Перши дзень Крачуна, буду три служби Божо – на 8, на 10 Архиєрейска, хтору будзе предводзиц владика Георгий, и Вечарша на 17 годзин. На Перши дзень Крачуна нє будзе Дзецинска Служба на 11,30 годзин.
На пондзелок, на Други дзень Крачуна ше швеци Собор Богородици и Осифа Обручнїка, а богослуженя буду тиж на 8, 10 и 17 годзин.
На Треци дзень швета, на вовторок, 27. децембра ше швеци и першого мученїка Штефана. Службу Божо буду у исти час як и други днї, з тим же на вовторок будзе и Дзецинска Служба на 11,30 годзин, а того дня у шицких Службох будзе и мированє.