НОВИ САД – У Заводзе за културу войводянских Руснацох нєшка будзе отримани Литературни форум, ткв „feedback”, на хторим буду представени, а потим отримана и дискусия о двох творох, мастер-роботох наших младих авторох – „Польодїлска лексика Руснацох у Войводини” Александра Мудрия и „Ґерманизми у руским язику” Андреї Медєши.
Кнїжки видал Завод за културу войводянских Руснацох у Едициї иновациї „Владимир Ґарянски”, на основи конкурованя.
Нєшкайше стретнуце у Заводзе на 18 г. орґанизоване у сотруднїцтве з Виглєдовацким кругом.