КУЛА/ДЮРДЬОВ – У рамикох 23. Културней манифестациї „Костельникова єшень” (КМ КЄ) нєшка, 19. новембра, на 15 годзин у ОШ „Петефи бриґада” у Кули будзе Стретнуце рецитаторох.
На Стретнуцу, хторе КЄ орґанизує з Руским КУД „Др Гавриїл Костельник” з Кули, як наявене, буду участвовац 22-ойо рецитаторе з наших местох, у трох возростох.
На ютре, 20. новембра, КМ КЄ будзе у Дюрдьове, дзе на 18 годзин у Рускей школи буду представени нови кнїжки НВУ „Руске слово” – „На крижней драги” др Янка Рамача и „Мадярска Горнїца” Мирона Жироша.
У музичней часци участвую Танита Ходак и Сашо Паленкаш, предвидзене же и у Дюрдьове будзе виложена вистава „Приватни живот Руснацох”, а програма у Дюрдьове орґанизована у сотруднїцтве з КУД „Тарас Шевченко”.