РУСКИ КЕРЕСТУР – Заєднїцка схадзка Управного одбору и Редакцийного одбору глашнїка Руснак Рускей матки будзе отримана нєшка у канцелариї РМ з початком на 17 годзин.
На дньовим шоре будзе насампредз догварка о термину отримованя порядней рочней скупштини РМ котра того року ма буц и виборна. Потим шлїдзи догварка о розподзельованю тиражу нєдавно видрукованей кнїжки Мала история Руснацох автора Ивана Попа, котра преложена на наш руски язик.
Шлїдзи и информация о трецим зашеданю Шветовей ради РРЛ котре заказане за 26. фебруар у Переґу маре у Румуниї, а на концу предсидатель Дюра Папуґа винєше информациї о поднєшених проєктох на конкурси покраїнских секретариятох.
На схадзку поволани шицки члени УО и Редакцийного одбору.