АПОСТОЛСКИ ЕҐЗАРХАТ/СРИМСКА МИТРОВИЦА – По юлиянским календаре нєшка швето Вознесениє Господнє, а у грекокатолїцкей парохиї у Сримскей Митровици на тот дзень и храмове швето – Кирбай.
Вознесениє ше преславює 40 днї по Пасхи и здогадує на подїю Исусового вознєшеня на нєбо, а будзе означене на богослуженьох у наших церквох.
Кирбай у Сримскей Митровици нєшка будзе прславени з Архиєрейску Службу Божу на 10,30 годзин, хтору будзе предводзиц наш владика Георгий Джуджар.
Кирбай у Митровици будзе преславени у знаку 130-рочнїци снованя парохиї и 110-рочнїци вибудови церкви, а централна преслава тих ювилейох будзе на єшень.