ДЮРДЬОВ – Нєшка, вовторок, 21. мая у дюрдьовскей церкви Рождества Пресвятей Богородици будзе святочносц з нагоди преглашеня нашого еґзархата до Епархиї св. оца Миколая у Руским Керестуре.
Святочносц будзе преславена зоз Вечуню на 19 годзин и по нєй з Духовним концертом на котрим буду учествовац Хор „Розанов”, Хор „Мале Славословє” и Хор „Василис”. На нїм будзе пречитани реферат историйного цеку злучованя наших церковних структурох за грекокатолїкох на тих просторох.