КУЛА – Нєшка, 7. децембра, з початком на 10 годзин будзе отримана порядна XXI схадзка Скупштини општини Кула, а на дньовим шоре лєм три точки о котрих буду гласац одборнїки.
Перша точка дньового шору будзе предклад Одлуки о запровадзованю медзиопштинского сотруднїцтва Городу Зомбор и општинох Кула, Оджак, Апатин и Бач, з чим предвидзене снованє Реґионалного центру за управянє зоз одпадом Ранчево.
Потим шлїдзи прилапйованє Одлуки о оцудзеню єдней нєрухомосци у Червинки котра у власносци Општини Кула, а ту и єден предклад Заключеня о двойнїстей явней функциї.