АПОСТОЛСКИ ЕҐЗАРХАТ – Нєшка почина робиц Телефонски центер за слуханє „Нїтка” – як психолоґийно-духовна потримовка особом котри маю даяки проблем вообще – од младежских, любовних, по емотивни, фамелийни и други проблеми.
Центер отворени особом зоз шицких наших парохийох, иницировал го и оформел Каритас нашого Апостолского еґзархату, на чолє з вивершним директором Янком Катоном, а координаторка Центру дипл. психолоґ Соня Виславски.
Строго на принципе анонимносци, Центер будзе робиц кажди вечар од 20 до 22 годзин, окрем нєдзелї. Отворени телефонски линиї буду у Руским Керестуре 025/703-011 и Новим Садзе 021/6-741-421, а пондзелками и у Горнїм Брегу 024/843-093.
У Центре буду дежурац 18 специялно обучени волонтере, котри можу комуниковац по руски и по сербски, а у Горнїм Брегу по сербски и мадярски. До Центру ше годно явиц и на е-адресу nitcenter@gmail.com.