МИКЛОШЕВЦИ – Вовторок, 10. новембра, на грекокатолїцким теметове у Миклошевцох отримана шветочносц з нагоди одкриваня памятнїка и масовней крипти жертвом з Отeчественей войни, медзи котрима Юлиян, Михайло и Вероника Голик, Марта и Петро Страценски и Микола Шимко.
Памятнїк одкрили Данил Страценски, син Марти и Петра, и министер бранительох Републики Горватскей (РГ) Предраґ Матич.
По молитви, хтору предводзели священїки з Миклошевцох, Томповцох и висланїк воєного ординарияту у РГ, венци на пямятнїк положели висланства – предсидательки РГ, Горватского собору, Влади РГ, Вуковарско-сримскей жупаниї, здруженьох з Отeчественей войни и Општини Томповци.
